Haftflicht fir Entreprisen

D'Versécherung "RC Exploitation" deckt Schuedensersazleeschtunge fir Kierperverletzungen, Materialschued an immateriell Schied, déi bei Drëttpersounen entstane sinn a fir déi d'Entreprise opgrond vun der Ausféierung vun hirer versécherter Aarbecht, vun hire Salariéen, hirem Inventar oder hiren Equipementer, muss haften.

Eng "Responsabilité Civile Produit" oder Produkthaftflicht deckt d'Verteidegungskäschten an e méigleche Schuedenersaz am Fall vun enger Mise en cause fir Produiten, déi d'Entreprise verkaaft huet oder fir Aarbechten, déi se ausgeféiert huet. Esou eng Mise en cause ka vun engem Client oder Drëtte kommen, bei deem e Schued entstanen ass duerch en defekt Produkt, dat verkaf gouf, oder eng Aarbecht, déi schlecht ausgeféiert gouf.

Dës Ofdeckung vun der Responsabilitéit iwwerhëlt d'Käschte vun den Affekote fir gerechtfertegt an net gerechtfertegt Ufroen.